आर्थिक वर्ष २०७५/०७६ मा नेपाल सरकारद्वारा सञ्चालन गरिएको सामाजिक सुरक्षा कार्यक्रम अन्तर्गत विभिन्न वर्गका नागरिकहरूलाई सामाजिक सुरक्षा भत्ता प्रदान गरिने व्यवस्था रहेको थियो। यस कार्यक्रमको उद्देश्य ज्येष्ठ नागरिक, एकल महिला, अपाङ्गता भएका व्यक्ति, दलित बालबालिका तथा अन्य लक्षित समूहहरूको सामाजिक तथा आर्थिक सुरक्षा सुनिश्चित गर्नु हो।

उक्त आर्थिक वर्षमा सामाजिक सुरक्षा भत्ता प्राप्त गर्न योग्य लाभग्राहीहरूमा निर्धारित उमेर पूरा गरेका ज्येष्ठ नागरिक, विधवा तथा एकल महिला, पूर्ण तथा अति अशक्त अपाङ्गता भएका व्यक्ति, दलित समुदायका पाँच वर्षमुनिका बालबालिका तथा प्रचलित कानून बमोजिम तोकिएका अन्य व्यक्तिहरू समावेश रहेका थिए।

भत्ता प्राप्त गर्न लाभग्राहीले सम्बन्धित स्थानीय तहमा नाम दर्ता गराई आवश्यक प्रमाणपत्र तथा कागजात पेश गर्नुपर्ने व्यवस्था रहेको थियो। स्थानीय तहले लाभग्राहीहरूको विवरण अद्यावधिक गरी स्वीकृत सूचीका आधारमा नियमित रूपमा सामाजिक सुरक्षा भत्ता वितरण गरेको थियो।

यस कार्यक्रममार्फत लक्षित वर्गका नागरिकहरूको जीवनस्तर सुधार, सामाजिक संरक्षणको प्रत्याभूति तथा राज्यप्रतिको विश्वास अभिवृद्धि गर्न महत्वपूर्ण योगदान पुगेको छ।